काठमान्डौ/वीर अस्पतालको छैटौं तलाबाट हाम फालेका एक पुरुषको मृत्यु भएको छ । सर्जिकल भवनको तलाबाट हाम फालेका अन्दाजी ४० वर्षीय पुरुषको मृत्यु भएको अस्पतालका सूचना अधिकारी सागर मिश्रले जानकारी दिए ।
उनका अनुसार घटना आज बिहान करिब २/३ बजेतिरको हो । बिरामीको आफन्त हुँ भन्दै अस्पतालभित्र प्रवेश गरेका ती पुरुषले सर्जिकल भवनको तलामा गएर हाम फालेको अस्पतालले जनाएको छ ।
अस्पताल प्रशासनले बुझ्दा उनका कोही बिरामी अस्पतालमा नभएको पाइएको छ । उनको लाश बेवारिसे अवस्थामा रहेको अस्पताल स्रोतले जनाएको छ ।
