काठमान्डौ/मन्थली नगरपालिका-१०,चनखु निवासी विद्यार्थी नेता हिमाल बोहोराले नेकपा एमाले निकट अनेरास्ववियु रामेछापको अध्यक्षमा उम्मेदवारी दिने घोषणा गरेका छन् । उनले केही दिनअघि अध्यक्ष पदका लागि उम्मेदवारी दिने घोषणा गरेका हुन् ।
२०६६ सालदेखि सक्रिय राजनीतिमा प्रवेश गरेका बोहोराले दुई वर्ष अनेरास्ववियुको प्रारम्भिक कमिटीको जिम्मेवारी सम्हालेका थिए । बोहोरा २०६८ सालमा इलाका कमिटी सदस्य बनेका थिए । त्यस्तै २०६९ सालमा क्षेत्रीय कमिटी सदस्य बनेका बोहोराले २०७८ क्षेत्रिय कमिटी सदस्य सह–सचिवको जिम्मेवारी पूरा गरिसकेका छन् भने हाल क्षेत्रिय कमिटी सदस्य सह–संयोजकको रुपमा काम गरिरहेका छन् ।
राजनीतिमा होम्मिएदेखि नै बोहोराले विद्यार्थी अधिकारका लागि सक्रिय रुपमा काम गर्दै आइरहेका छन् । अनेरास्ववियु रामेछापको १३औं जिल्ला अधिवेशन तथा प्रथम अखिल महोत्सव आज र भोलि हुँदैछ ।
