काठमान्डौ/साताको चौँथो दिन आज नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार बुधबार सुन तोलामा ३०० रुपैयाँ बढेर कारोबार भएको हो ।
छापावाल सुन तोलामा एक लाख १६ हजार ५०० रुपैयाँमा कारोबार भइरहेको छ । मंगलबार भने सुन प्रतितोला एक लाख १६ हजार २०० रुपैयाँमा कारोबार भएको थियो । त्यस्तै, तेजाबी सुन तोलामा एक लाख १५ हजार ९५० रुपैयाँमा कारोबार भइरहेको छ ।
त्यसैगरी चाँदीको मूल्य भने आज स्थिर रहेको छ। चाँदी तोलामा एक हजार ४५५ रुपैयाँमा कारोबार भइरहेको महासंघले जनाएको छ ।
