काठमान्डौ/सर्वोच्च अदालतले स्वास्थ्य बिमा बोर्डका कार्यकारी निर्देशक डा. दामोदर बसौलालाई निलम्बन गर्ने स्वास्थ्य मन्त्री मोहनबहादुर बस्नेतको निर्णय कार्यान्वयन नगर्न अन्तरिम आदेश दिएको छ।
न्यायाधीशद्वय हरिप्रसाद फुयाँल र सुनिलकुमार पोखरेलको संयुक्त इजलासले शुक्रबार बसौलालाई निलम्बन गर्ने निर्णय कार्यान्वयन नगर्न अन्तरिम आदेश दिएको हो। मन्त्री बस्नेतले गत २६ असोजमा विभिन्न आरोप लगाउँदै बसौलालाई तीन महिनाका लागि निलम्बन गर्ने निर्णय गरेका थिए। मन्त्री बस्नेतको सो निर्णयविरुद्ध डा. बसौला सर्वोच्च गएका थिए ।
सर्वोच्चले यसअघि वीर अस्पतालका कार्यकारी निर्देश सन्तोष पौडेललाई हटाउने मन्त्री बस्नेतको निर्णय पनि कार्यान्वयन नगर्न अन्तरिम आदेश जारी गरेको थियो।
