काठमान्डौ/विराटनगरका अग्रज साहित्यकार तथा प्राज्ञ दधिराज सुवेदीको निधन भएको छ ।
क्यान्सर रोगको उपचार गरिरहेका सुवेदीको ७८ वर्षको उमेरमा बुधबार बिहान ३ बजे निधन भएको हो ।
सुवेदीका मोरङको साहित्यिक इतिहास, नेपाली साहित्यका मुस्कानहरू, सौन्दर्य कविता सङ्ग्रह, अविरल यात्रालगायत एक दर्जन बढी कृति प्रकाशित छन् । उनले अनेकौँ कृतिहरूका समालोचना पनि गरेका छन् ।
सुवेदीको नाममा राष्ट्रिय साहित्य तथा पत्रकारिता पुरस्कारसमेत वितरण हुँदै आएको छ । सुवेदीका दुई छोरा एक छोरी र श्रीमती छन् ।
