काठमान्डौं/बिहीबार सुनको भाउ स्थिर रहेको छ । बुधबार प्रतितोला ६०० रुपैयाँ बढेको सुनको भाउ बिहीबार स्थिर रहेको हो । बिहीबार प्रतितोला छापावाला सुन १ लाख ४१ हजार ६०० रुपैयाँमा कारोबार भइरहेको छ ।
नेपाल सुन चाँदी व्यवसायी महासंघका अनुसार बिहीबार तेजाबी सुनको भाउ १ लाख ४० हजार ९०० रुपैयाँमा कारोबार भइरहेको छ ।
बिहीबार प्रतितोला चाँदीको मूल्य १ हजार ८१० रुपैयाँमा कारोबार भइरहेको छ । बुधबार प्रतितोला चाँदीको मूल्य १ हजार ८२० रुपैयाँमा कारोबार भएको थियो ।
अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ ।
