काठमान्डौ/साताको पहिलो कारोबार दिन आइतबार सुनको भाउ प्रतितोला १ हजार ३०० रुपैयाँले घटेको छ । साताको अन्तिम कारोबार दिन शुक्रबार २ हजार रुपैयाँले घटेको सुनको भाउ आइतबार १ हजार ३०० रुपैयाँले घटेको हो ।
आइतबार छापावाला सुनको भाउ प्रतितोला १ लाख ४६ हजार २०० रुपैयाँमा कारोबार भइरहेको छ । शुकबार छापावाला सुनको भाउ प्रतितोला १ लाख ४७ हजार ५०० रुपैयाँमा कारोबार भएको थियो ।
नेपाल सुन चाँदी व्यवसायी महासंघका अनुसार आइतबार प्रतितोला तेजाबी सुनको भाउ १ लाख ४५ हजार ५०० रुपैयाँमा कारोबार भइरहेको छ । शुक्रबार प्रतितोला तेजाबी सुनको भाउ १ लाख ४६ हजार ९०० रुपैयाँमा कारोबार भएको थियो ।
यस्तै, आइतबार चाँदी १ हजार ८१० रुपैयाँमा कारोबार भइरहेको छ । शुक्रबार चाँदी १ हजार ८३० रुपैयाँमा कारोबार भएको थियो ।
