काठमान्डौ/बुधबार सुनको भाउ प्रतितोला ८०० रुपैयाँले बढेको छ । मंगलबार स्थिर रहेको सुनको भाउ बुधबार ८०० रुपैयाँले बढेको हो । बुधबार छापावाला सुन प्रतितोला एक लाख ५३ हजार १०० रुपैयाँमा कारोबार भएको छ । मंगलबार छापावाला सुन प्रतितोला एक लाख ५२ हजार ३०० रुपैयाँमा कारोबार भएको थियो ।
नेपाल सुनचाँदी व्यवसायी महासघका अनुसार बुधबार चाँदी प्रतितोला एक हजार ८५५ रुपैयाँमा कारोबार भइरहेको छ । मंगलबार चाँदी एक हजार ८५० रुपैयाँमा कारोबार भएको थियो ।
