काठमान्डौ/नेपाल प्रिमियर लिग (एनपीएल) क्रिकेटको टोली चितवन राइनोजले आफ्ना समर्थकका लागि निःशुल्क बस सेवा दिने भएको छ । चितवनवासी क्रिकेट समर्थकका लागि चितवन मेडिकल कलेजदेखि त्रिवि क्रिकेट मैदान र त्रिवि क्रिकेट मैदानदेखि चितवन मेडिकल कलेजसम्म दैनिक पाँच वटा निःशुल्क बसको व्यवस्था गरेको चितवन राइनोजले जनाएको छ ।
यो सेवा खेल हेर्नका लागि टिकट लिएका समर्थकहरूले लिन सक्ने र सबैलाई खाजाको व्यवस्था पनि गरिने चितवनले जनाएको छ ।
आठ वटा टोली सहभागी एनपीएलको पहिलो संस्करण आउँदो शनिवार मङ्सिर १५ गतेदेखि सुरु हुँदैछ । चितवन राइनोजले आफ्नो पहिलो खेलमा आउँदो सोमवार बिहान सवा ९ बजे काठमाडौँ गुर्खाजसँग खेल्दैछन् ।
