काठमाडौं । नागरिक लगानी कोषको नाफामा सामान्य सुधार भएको छ । कोषले चालु आर्थिक वर्षको तेस्रो त्रैमाससम्ममा ८८ करोड २९ लाख रुपैयाँ खुद नाफा कमाएको छ । जुन गत वर्षको सोही अवधिको तुलनामा १.८८ प्रतिशतले धेरै हो ।
कोषले सेवा तथा कमिसनबाट हुने आम्दानी १५.०६ प्रतिशतले बढाएर १ अर्ब १९ करोड ८६ लाख रुपैयाँ पुर्याएको छ । यसको चुक्ता पुँजी ६ अर्ब ४८ करोड रुपैयाँ रहेको छ । प्रतिसेयर आम्दानी ३.६५ रुपैयाँले घटेर १८.४९ रुपैयाँमा आएको छ । प्रतिसेयर नेटवर्थ १४७.४५ रुपैयाँ छ ।
