काठमाडौं । हिमालयन डिष्टिलरी लिमिटेडले चालु आर्थिक बर्षको तेस्रो त्रैमासको वित्तीय विवरण सार्वजनिक गरेको छ । कम्पनीको नाफा २५१.३२ प्रतिशतले बढेर ७३ करोड ९२ लाख रुपैयाँ कायम भएको छ । गत वर्ष यस कम्पनीले २१ करोड ४ लाख रुपैयाँ नाफा कमाएको थियो ।
कम्पनीको सञ्चालन आम्दानी ४ अर्ब ३० करोड ७३ लाख रुपैयाँ पुगेको छ । जुन गत आर्थिक वर्षको तुलनामा २४४.३४ प्रतिशतले बढी हो । गत आर्थिक वर्षको सोहि अवधिमा कम्पनीको उक्त आम्दानी २ अर्ब ७४ करोड ४१ लाख रुपैयाँ रहेको थियो ।
समिक्षा अवधिमा कम्पनीको चुक्ता पुँजी ३ अर्ब ७ करोड ३४ लाख र जगेडा कोषमा ८८ करोड ७६ लाख रुपैयाँ छ । त्यस्तै, कम्पनीको इपीएस ३२.०८ रुपैयाँ र प्रतिसेयर नेटवर्थ १२८.८९ रुपैयाँ रहेको छ ।
