काठमाडौँ/नेपाली कांग्रेसको संस्थापनइतर शेखर काेईराला समूहले मन्त्रिपरिषद्मा सम्मानजनक सहभागिता नभए सरकारमा नजाने चेतावनी दिएको छ ।सभापति शेरबहादुर देउवालाई शुक्रबार बिहान सन्देश पठाउँदै कोइराला समूहले मन्त्रिपरिषद्मा आफूहरूको सम्मानजनक सहभागिता नभए सरकारमा सहभागि नहुने चेतावनी दिएको हो ।
शेखर समूहका एक नेताका अनुसार बिहान एक सन्देश पठाउँदै देउवालाई सम्मानजनक सहभागिता नभए सरकार बाहिरबाटै सघाउने बताएका छन् ।
शेखर समूहले तीन मन्त्रालयमा दाबी गरेको छ । तर देउवाले भने शेखर समूहलाई दुई मन्त्रालयमात्रै दिने तयारी गरिरहेका छन् । आज मन्त्रिपरिषद् विस्तार हुँदैछ । कांग्रेसले अर्थ मन्त्रालयसहित आठ मन्त्रालयले पाएको छ ।
