काठमाडौं । नेकपा एमालेका सांसद ठाकुरप्रसाद गैरेले पूर्वराजा ज्ञानेन्द्र शाहमाथि तत्काल कारबाही हुनुपर्ने माग राखेका छन् ।
आइतबार बसेको प्रतिनिधिसभा बैठकमा बोल्दै सांसद गैरेले यो कानूनी राज्यमा ‘श्री ५ महाराजधिराज ज्ञानेन्द्र विरविक्रम शाहदेव’ लेखी विज्ञप्ति जारी भएको भन्दै तत्काल कारबाहीको दायरामा ल्याउन सरकारसँग माग गरेका हुन् ।
पूर्वराजा शाहले भारतको जम्बु कश्मीर पहलगाममा भएको आतंककारी आक्रमणमा मारिएका नागरिकप्रति शनिबार समवेदना सन्देश जारी गरेर श्रद्धाञ्जली व्यक्त गरेका थिए । त्यसमा लेखिएको ‘श्री५ महाराजधिराज ज्ञानेन्द्र विरविक्रम शाहदेव’प्रति सांसद गैरेले सरकारको ध्यानाकर्षण गराएका हुन् ।
