काठमान्डौ/नेपाल प्रिमियर लिगमा पहिलोपटक सुपर ओभरमा गएको खेलमा पोखरा एभेन्जर्सले विराटनगर किंग्सलाई पराजित गरेको छ । सुपर ओभरमा पोखराले दिएको १९ रनको लक्ष्य पच्छ्याएको विराटनगरले एक ओभरमा केवल ५ रन बनाउन सक्यो । खेल निर्धारित २० ओभरमा बराबरी भएपछि सुपर ओभर खेलिएको हो ।
निर्धारित २० ओभरको खेलमा टस जितेर पहिले ब्याटिङ गरेको विराटनगरले निर्धारित ७ विकेटको क्षतिमा १३९ रन बनाएको थियो । जवाफी ब्याटिङमा आएको पोखराले पनि निर्धारित २० ओभरमा ६ विकेटको क्षतिमा १३९ रन नै बनाएपछि खेलको निर्णय सुपर ओभरबाट भएको हो ।
