काठमान्डौ/अछाममा शुक्रवारदेखि बेपत्ता भएका दुई किशोरी मृत फेला परेका छन्। मृत रहेको ढकारी गाउँपालिका-८, पल्साता भन्ने गाउँका १४ वर्षीय ईश्वरी खड्का र १५ वर्षीय सरस्वती खड्का रहेका छन् ।
शुक्रबार बाख्रा चराउन जगंलमा गएका उनीहरू घर नफर्किएपछि खोजीका क्रममा हिजो शनिबार शव फेला परेको जिल्ला प्रहरी कार्यालय अछामले जनाएको छ । घटनाबारे अझै खुलासा भएको छैन थप अनुसन्धान भइरहेको प्रहरी कार्यालय अछामले जानकारी दिए ।
