काठमान्डौ/गायक राजेशपायल राईले श्रीमतीसँग सम्बन्धबिच्छेद गरेका छन् । जिल्ला अदालत काठमाडौंमा उनीहरूले केही दिन अगाडि सम्बन्धबिच्छेद गरेका हुन् ।
राईले श्रीमती साङबुहाङ राईलाई एक घर र पचास लाख नगद दिने सहमति गरेका छन् । राजेशपायलले नै अदालतमा सम्बन्धबिच्छेदका लागि मुद्दा दायर गरेको र सहमतिमा सम्बन्धबिच्छेद गरेको जनाइएको छ । राई दम्पतीका एक दुई वर्षीय छोरा छन् । छोराको भरणपोषणका लागि राजेशले मासिक १५ हजार रुपैयाँ पनि दिनेछन् । यस्तै काठमाडौंमा रहेको एक घडेरी पनि दिने सहमति भएको जनाइएको छ ।
आफूभन्दा करिब २६ वर्ष कान्छी साङबुहाङसँग लिभिङटुगेदरमा बसेपछि छोरा जन्मिएको थियो । छोरा जन्मिएपछि राजेशले बिहे दर्ता गरेका थिए । र बिहे दर्ता गरेको दुई वर्षमै उनीहरूबीच सम्बन्धबिच्छेद भएको हो ।
