काठमान्डौ/साताको पहिलो कारोबार दिन आइतबार सुनको मूल्य तोलामा एक हजार रुपैयाँले बढेको छ । साताको अन्तिम कारोबार दिन शुक्रबार ३०० रुपैयाँले घटेको सुनको भाउ आइतबार एक हजार रुपैयाँले बढेको हो ।
आइतबार छापावाला सुनको भाउ प्रतितोला १ लाख ४५ हजार ७०० रुपैयाँमा कारोबार भइरहेको छ । शुक्रबार छापावाला सुनको भाउ प्रतितोला १ लाख ४४ हजार ७०० रुपैयाँमा कारोबार भएको थियो ।
नेपाल सुन चाँदी व्यवसायी महासंघका अनुसार शुक्रबार प्रतितोला तेजाबी सुनको भाउ १ लाख ४५ हजार रुपैयाँमा कारोबार भइरहेको छ । बिहीबार प्रतितोला तेजाबी सुनको भाउ १ लाख ४४ हजार कारोबार भएको थियो ।
यस्तै, आइतबार चाँदी १ हजार ७४० रुपैयाँमा कारोबार भइरहेको छ । शुक्रबार चाँदी १ हजार ७३० रुपैयाँमा कारोबार भएको थियो ।
