काठमान्डौ/भारतको उत्तर प्रदेशको राजधानी लखनउको ट्रान्सपोर्ट नगरमा शनिबार एक भवन भत्किँदा ८ जनाको मृत्यु भएको छ ।
समाचार एजेन्सी एएनआईका अनुसार राहत आयुक्त कार्यालय लखनउले यसको जानकारी दिएको हो । बीबीसीका अनुसार अर्को समाचार एजेन्सी पीटीआईले पनि यसको पुष्टि गरेको छ ।
यो घटनामा परी २८ जना घाइते भएको राहत आयुक्त कार्यालयले जानकारी दिएको छ । मृतकको सनाखत र घाइतेको परिचय खुलिसकेको छ । उद्धार र राहतको काम चलिरहेको छ ।
